Ons het ondersteuningsgroepe regoor Suid-Afrika!
CAD Konferensie 2024
Die CAD bied elke twee jaar 'n naweek konferensie vir al die Suid Afrikaanse groepe aan. 16-18 Februarie 2024.
Lede kan onder andere hier meer leer oor afhanklikheid en mense ontmoet wat deur dieselfde omstandigehede is. Verder is daar professionele sprekers, werkswinkels en aanbidding.
So 'n Konferensie verg egter baie beplanning tov sprekers, verblyf en voedsel om maar 'n paar te noem. Om 'n dit 'n werklikheid te maak vir ongeveer 150 lede is 'n aansienlike ekonomiese taak. Daarom wil ons u vra om ons asseblief te ondersteun met 'n donasie om hierdie konferensie 'n realiteit te maak. Selfs die geringste bydrae sal ons in staat stel om 'n verskil in iemand se lewe te maak. Klik op die skakel hieronder om u finasiële donasie te maak.
Indien u enige ander items kan skenk soos voedsel, geskenk pakkies, skryfbehoeftes, t-hemde sal ons dit hoog op die prys stel. U kan ons epos of die kontak bladsy gebruik om met ons in verbinding te tree.
Die CAD is 'n geregistreede Nie Winsgewende Organisasie.
Klik hier om 'n donasie te maak:
Ons Missie
Die Christelike afhanklikheidsdiens is 'n dinamiese Organisasie wat ondersteuning bied aan alles afhanklikes en hulle gesinne.
Ons ondersteun die afhanklike en hulle famielie fisies, psigologies, sosiaal en gesstelik - om meer produktiewe en gelukkige mense te wees.
Van uit persoonlike ervaring van afhanklikheid en oorwinning is daar opregte begrip vir jou probleem. Skakel vandag nog jou naaste CAD groep!
Die CAD is nie 'n behandeling sentrum nie - dit is 'n ondersteunings groep.
Wie mag aansluit?
Gerehabiliteerd
Persone wat rehabilitasie deurmaak het by ‘n sentrum. Opvolg ondersteuning is noodsaaklik tot blywende soberheid.
Self-help
Persone wat self met afhanklikheid gebreek het. Hierdie is een van die moeilikste maniere om afhanklikheid te oorkom. Kom en ontmoet mense wat jou sal ondersteun en ophef.
Afhanklikes
Persone steeds vasgevang in die web van afhanklikheid kan met die hulp van die CAD ‘n nuwe lewe begin. (Persone onder die invloed sal nie by byeenkomste toegelaat word nie.
Familie
Familie wat mede-afhanklik is. Die eggenote, kinders, gesin of direkte familie word dikwels verwaarloos in die rehabilitasie proses. Ons ken die pyn, maar ook die vreugde om te kan kommunikeer met iemand wat werklik verstaan. Ons moedig u aan om aan te sluit.
Ander
Persone wat ‘n belang het daaraan om ander wat met afhanklikheid sukkel te help. U het dalk ‘n familie-lid of geskiedenis van iemand na aan u wat gesukkel het, of steeds sukkel met afhanklikheid. Of u het dalk net bloot ‘n passie om mense te help.
Professioneel
Professionele mense wat graag insig en ondersteuning wil bied is baie welkom. Dokters, sosiale werkers, terapeute en persone in die Christelike bediening se bydraes word baie waardeer.
Wat gebeur tydens byeenkomste?
Byeenkomste is informeel. Die doel is samesyn en wedersydse ondersteuning. Groeplede stel self die program op en 'n verskeidenheid van aktiwiteite word aangebied bv. Inligtingsessies, debat, Bybelstudie en sosiale byeenkomste.
Daar word gepoog om aktiwiteite interessant en aangenaam te maak. Geen druk word op lede geplaas om deel te neem aan besprekings of getuienisse nie. Lede voel egter so vinnig tuis dat hulle graag spontaan deelneem. Vertroulikheid word voortdurend gehandhaaf.
Wat bied die CAD?
Die CAD bied gereedskap vir 'n sober lewe.
- Help 'n persoonlike verhouding met Jesus bou
- Konferensies met ander groepe
- Leer om senllers en pyn te hanteer
- Leer emosies en persepsies verwerk
- Help bou 'n nuwe lewens-styl
- Leer probleem-oplossing en krisis hantering
- Maak kennis met suksesvolle mense
- Persoonlike groei verbeter
- Leer nuwe lewensvaardighede
- Verhoed eensaamheid
- Leer wantroue hanteer
Vinnige V en A’s
Moet ek 'n bydrae lewer om aan te sluit?
Nee, dit is 'n gratis diens.
Moet ek aan 'n spesifieke kerk behoort?
Nee, enige persoon wat identifiseer met Christelike waardes kan aansluit.
Moet ek 'n rehabilitasie program voltooi?
Nee, daar is baie persone wat afhanklikheid oorwin het sonder formele behandeling.
Mag ek by ander groepe ook betrokke raak?
Ja, u is welkom om by ander groepe aan te sluit.
Is nasorg en opvolg regtig so belangrik?
JA! Navorsing toon dat die moontlikheid van 'n terugval aansienlik minder is met die ondersteuning van 'n groep soos die CAD.
CAD STREEKBESONDERHEDE
|
Kallie Beyleveldt (President) 082 444 1493 kallie@kallies.co.za
|
Jacques Botha (Vise-President)
cadvrystaat@gmail.com |
Esta Delport (Sekretaresse) 083 951 5205 info@cad.org.za |
|
VRYSTAAT
Gert Coetzee (Voorsitter) Esta Delport (Sekretaresse)
|
NOORD-KAAP
Kallie Beyleveldt (Voorsitter) Johann Swart (Ondervoorsitter) Henriette Husselmann (Sekretaresse)
|
NOORDELIKES
Sam van Graan (Voorsitter) Hendrik van Reenen (Ondervoorsitter) Charmiane van Reenen (Sekretaresse)
|
NATAL
Peter Kumlehn (Voorsitter)
|
|
PRESIDENTE RAAD
René Combrinck
|
WES EN SUID KAAP Shameem Gaffoor (Sekretaresse)
|
OOSTELIKES
Jaap Gerenger (Voorsitter)
|
HOËVELD
Maans Booysen (Voorsitter) Nic du Plessis(Ondervoorsitter) Dorothy Booysen (Sekretaresse)
|
Het u dalk ‘n probleem?
As u wonder of u dalk 'n probleem het is die kanse groot dat u dalk alreeds een het.
Sluit aan by ‘n groep
By die CAD word u deel van 'n groter groep van liefdevolle, ondersteunende, biddende familie van wenners!
Volg ons op Facebook
Ondersteun ons organisasie
Aangesien ons 'n nie-winsgewende organisasie is, is ons afhanklik van donasies van weldoeners. Ons dank u vir u goedhartige bydrae tot ons werk.
CAD NASIONAAL
ABSA Bank
TJEK REKENING: 104 467 0158